ТIекхочийла долу линкаш

ЦIеххьана кхаьчна хаам!

Абдулаев Леча. Хьан йи хьо, Нохчийчоь?


please wait

No media source currently available

0:00 0:00:49 0:00
Линкана тIе

***

Хьан йи хьо, Нохчийчоь,

Хьуна дай хIитта,

Хьо оьшурш, цаоьшурш

Бохуш, нах литта?

Мила ю хьан нана,

Мила ву да а?

Мила ву, хьо екъна,

Кхаьчнариг дакъа?


Мила ву гергара,

Мила ву хийра?

Мила ву каш хьарам

Хьан лаьттан кийрахь?


Мила ву юкъархо, –

Хьуна тIевало?

Муьлш бу и устазаш, –

Хьо еза Iамо?

Мила ву уьш эшнарг, –

Хьан сих са дага?

Мила ву уьш лехнарг, –

Хьан сих са къага?

Милла а ву, амма вац

Шарипан Леча.

Цхьа а вац цунна дарс

Хьеха я эца.

Суна ца эшна хьан

Дозаллийн дареш.

Сан дог ов хилла хьан

Иэшамийн, дарийн.

Суна хьо, Нохчийчоь,

Еза ца езна,

Иэша а ца эшна,

Суна хьо лезна!

Абдулаев Леча

Леча Шарипович Абдулаев (1953, Чиллан-беттан 15 - гIа де ) — нохчийн яздархо, поэт, публицист, гочдархо, Нохчийн Республикан а, Оьрсийчоьнан а яздархойн Кхеташонан декъашхо, Нохчийн Республикан а, ОЬрсийчоьнан журналистийн Бертан декъашхо, Нохчийн Республикан Халкъан поэт.

XS
SM
MD
LG