Москох Словакин векалаллана уллехь полисхочунна урс диттина жима стаг Бериев Ильяс полицин белхахошка дIавелла хилла цуьнан гергарчу наха.
Талламхоша бинчу хаамца, Бериев Дышни-Веданахь вина ву 2001-чу шарахь. Кху беттан 27-чохь цо 7-зза урс тоьхна полицин капитанна. Иза цо дина цIеххьана цабезам кхоллабалар бахьана долуш.
"Кавказ.Реалино" яздарехь, Бериев вевзачара вуьйцу амална сиха стаг санна. Ша Бериевс дийцарехь, дукха хан йоцуш, цхьа а бахьана а доцуш цунна йиттина хилла полисхоша. Цундела цо сацам бина хилле хьалха гинчу полисхочунна, тIелатар а дина, иза вен.