Iамеркера качйина газ тIеоьцу порташ яхкар хьокъехь хаттар дийцаре деш ду Евроберто а, Цхьаьнатоьхначу Штаташа а. Цунах лаьцна Вашингтонехь Италин премьер-министрца цхьаьна хиллачу зорбанан конференцехь хаам бина президенто Трамп Доналда. Цо дийцарехь, дуьйцург ду 9-11 порт яр. Цунна оьшу ахча дала реза ю Евробартана юкъайогIу пачхьалкхаш.
Евробартаца къийсам дIахьош ю Iамерка Оьрсийчуьра Германе "Северный поток-2" олу газан биргIа тасарна дуьхьал. Цул сов, Вашингтоно кхерам тесна санкцеш кхайкхо газана а, мехкадаьттана а, тоькана а экспорт ян Оьрсийчоьнан проекташна инвестицеш хьажочу компанешна.
"Северный поток-2" газан биргIа яр дIадерзор долуш ду 2019-гIа шо чекхдалале. Иза таса бакъо елла Швецин а, Финляндин а, Германин а Iедалша. Цу проектана дуьхьал ю Балтера пачхьалкхаш а, Полша а, Украина а, Iамеркан Цхьаьнатоьхна Штаташ а.