Журналист Джемал Орхан а, оператор Радченко Кирилл а, режиссер Расторгуев Александр а вийна Юккъерчу Африкан Республикехь, хаам бо Маршо Радион Оьрсийн сервисо. Уьш хилла "Вагнеран ЧВК" олучу долахь йолчу тIеман компанех лаьцна документалан филм йоккхуш.
Болчу хаамца, журналисташ кхалхар тIечIагIдина цу пачхьалкхарчу Оьрсийчоьнан векалаллан а, Цхьаьнакхеттачу Къаьмнийн Вовшахтохараллан миссин а, ткъа иштта меттигерчу Iедалан а векалша.
Журналисташ совцийна хилла цхьанна а юй хууш йоцучу блокпостехь. Интерфаксан хьастано дийцарехь, уьш байина хIуманаш а, ахча а дIадаккха гIоьртинчу талорхоша.
