ТIекхочийла долу линкаш

ЦIеххьана кхаьчна хаам!

Несарарчу "Мемориалах" цIетасар толлуш ду


ГIалгIайчуьра "Мемориалан" офис, цIетесначул тIаьхьа

Оьрсийчоьнан прокуратурано президентехула йолчу адамийн бакъонаш ларъечу Кхеташоне хаамбина, ГIалгIайчуьрчу "Мемориал" офисна цIетасар шаьш толлуш хиларх. Консультативан декъан официалан сайтехь бина и хаам пIераскандийнахь.

Прокуратурано дийцарехь, кху шеран Дечкен-баттахь Несарарчу таламчаша бехкзуламан гIуллакх гIаттийра "Мемориалан" офисна цIетасарна а, церан бахам хIаллакбарна а. ГIуллакх долийчхьана шозза кхин дIа ца талла сацамбира, делахь а тIаьхьо юха а листа доладора.

"Карарчу хенахь оцу зуламан гIуллакхна гонах дIахьош талламаш бу. Адамийн бакъонаш ларъечу Кхеташоно шен куьйгакIел латтош а ду гIуллакх таллар", - аьлла, яздина кехат тIехь.

Дечкен-баттахь муьлш ба ца хуучу наха цIетесира Несарарчу бакъонашларъяран "Мемориал" центан офисех.

Даккхийн зенаш дира хIетахь: егира оргтехника, документаш, чоьнаш.

Масех де цул хьалха лецира Соьлжа-ГIаларчу "Мемориалан" куьйгалхо Титиев Аюб, цуьнгара марихуана яьккхина аьлла. Титиевс шена полисхоша тийсина ю аьлла наркотикаш.

XS
SM
MD
LG