ТIекхочийла долу линкаш

ЦIеххьана кхаьчна хаам!

Левада-центр: Оьрсийчохь ксенофоби кхуьуш ю


Шайн пачхьалкхехь цхьацца долчу къаьмнийн векалш бахийта дуьхьал болчийн терахь тIаьххьарчу шарахь лакхадаьлла догIу. "Левада-центран" статистийн терахьаш далийна "Ведомости" хьостано.

Бахархоша тIе ца оьцучу къаьмнийн рейтинган хьалхарчу могIарехь ромалаш бу (32 процент). Стохкалерачу жамIашца 17 процент бара уьш.

Китайцашна дуьхьал бу 31% респонденташ. Въетнамхой чубахкийта ца лаьа 26 процент бахархошна. Ткъа шо хьалха 15 а, 12 а проценташца гойтура и терахьаш.

"Оьрсийчоь оьрсашна ю" аьлла 10 процент 19 проценте кхиина.

Iедалхоша доза тоха деза пачхьалкхе оьхучу мухIажиршна аьлла 58 процент кху шарахь 67 проценте даьлла.

"Сова" центран директорна Верховский Александрна хетарехь, бахархошлахь ксенофоби кхиар экономикан халонашца доьзна ду.

Комментареш

New Comments Available

Оха хьоьхург

XS
SM
MD
LG