ТIекхочийла долу линкаш

ЦIеххьана кхаьчна хаам!

Хатуев Iабдул - Хьамид. Синмехалаш


please wait

No media source currently available

0:00 0:00:51 0:00
Линкана тIе

Хатуев Iабдул - Хьамид.

Синмехалаш

Дедайша лардинарг сийца,

Бендоцуш дIатесна вай,

Хиллачийн къайленаш йийца,

Сатуьйсуш къежбелла дай.

Ламанца бIаьвнийн зил тилла,

Мел гучохь – къежделла чурт.

Ма къиза, ма экам хилла,

Нохчийчоь, хьан турпал сурт.

ТIулгаш тIехь йозанаш деза,

Заманаш ялхаеш кхин.

Муридийн назманаш хеза,

Беснеш тIехь Iийдало хи.

Деза вай иймане дерза,

Вон-дика цхьабосса ловш.

Олучохь – массаьрца мерза,

Лелачохь – массаьрца товш!

Дагчуьра вайн маьлхан кешнаш,

Дай цIераш яха йиш яц,

Ца лардахь дайн шира дешнаш,

Хиндолчо вай лардийр дац!

Ийман-ислам, синмехалаш,

Вайна дешел сийлахь ю,

Уьш вайн дегнийн къонахалла

Узуш долу терза ду

Хатуев Iабдул-Хьамид (1952-2011) — нохчийн байтанча, журналист, Нохчийн Республикан яздархойн бертан декъашхо вина 1952-чу шарахь. 1974-чу шарахь цо чекхъяьккхира Нохч-ГIалгIайн пачхьалкхан университет. Цуьнан дахаран некъ хедира 2011-чу шеран Дечкен-беттан 17-чу дийнахь.

XS
SM
MD
LG