ТIекхочийла долу линкаш

ЦIеххьана кхаьчна хаам!

Дагестанехь беран дакъа карийна хи чохь, хила тарло иза Омарова Калимат


Деллачу жимачу беран чалх чохь йолу тIоьрмиг баьккхина Дагестанехь татолчуьра. Хила тарло иза бутт хьалха Каспийскехь яйначу 8 шо долчу Омарова Калиматан дакъа.

"Къилбаседа Кавказера бакъдерг" хьостано шайн ницкъаллийн структурашкарчу хьосташна тIе а тевжаш хаамбарца, карарчу заманчохь карийначу чалхан экспертиза ю дIахьош.

Хи бухахь еххачу хенахь лаьттина дакъа довза ишта атта дац, дийцарехь. Болчу хаамашца, Омарова Калимат йовчу дийнахь цунна тIехь хиллачу духарх тера ю тIоьрмиг чохь карийна бедарш.

Оцу юкъанна, социалан машанашкахь хаамаш баржийна, татол чохь жимачу шина беран декъий карийна бохуш. Цара дийцарехь, Гезгамашин-баттахь яйна Акбулатова Айзанат хила тарло шолгIаниг. Официалехь цунах информаци хилла яц.

Карладоккху, Товбеца-беттан 29-чохь Каспийскехь, шайна гена йоццучу туькана бепиг эца яхначуьра яйра Омарова Калимат. Оьрсийчоьнан кеп-кепарчу меттигашкарчу эзарнашкахь наха лийхира йоI.

Коьрта теманаш

Оха хьоьхург

XS
SM
MD
LG