Соьлж-ГIаларчу Старопромыслан кIоштан прокуратуро нийса лаьрра меттигерчу яхархочунна Байсултанова Залинина дуьхьал зулам кечдеш хилар хууш а долуш айкхцаяларна бехктакхаман гIуллакх долор, яздо Сhechnyatoday.com сайто.
Талламхоша чIагIдарехь, цу зудчунна хууш хилла шена вевза стаг интернетехь терроре кхойкхуш посташ хIитто дагахь хилар. Амма цо Iедалшка ца хаийтина и стаг зулам кечдеш хиларх лаьцна.
Байсултановас иза ца дар бахьана долуш, чоьхьарчу гIуллакхийн министраллан белхахошна тIелатар дина, ткъа интернетехь терроре кхойкхуш йозанаш дитина стаг вийна, бохуш чIагIдо талламхоша.
