ТIекхочийла долу линкаш

ЦIеххьана кхаьчна хаам!

Нохчийчоьнан омбудсмено арздина Дагестанерчу полисхошна


Нухажиев Нурди
Нухажиев Нурди

Дагестанерчу Кизляран кIоштан полисхошна арздина Нохчийчоьнан омбудсмено Нухажиев Нурдис. Мехкан куьйгалхочуьнга Васильев Владимире а, республикан прокуроре а кехат дахьийтина цо.

Карладоккху, байначу беттан тIаьххьарчу деношкахь бакъонашларъярхочуьнга латкъам бинера телефонехула Нохчийчуьрчу зударша. Цара бахарехь, ялх зуда тIехь а йолуш, Москохара йогIу автобус Нохчийчоьнан а, Дагестанан а дозанехь латтийнера некъан полисхоша кхаа дийнахь, бусий "Кизляр" постехь. Шайна хоуьйтуш дацара аьлла зударша, шаьш мича бахьанашца латтадо а, хIунда аьлча, я официалехь бехкаш дохкуш ца хилла цаьрга, я уьш сацорах протоколан копеш кара луш а ца хилла.

Оцу хьокъехь Дагестанан Iедалхошка талламбар доьху нохчийн омбудсмено. Нохчийчоьнан куьйгалхочун цIарах бакъонашларъечу урхаллан белхахоша чIагIдарца, чуян а, йохка а йихкина, я кхидолу кехаташ тIеоьшу хIуммаъ ца хилла зуударша-йохкархоша дозанехула чекхйоккхуш.

Оха хьоьхург

XS
SM
MD
LG