ТIекхочийла долу линкаш

ЦIеххьана кхаьчна хаам!

Соьлжа-ГIалахь вазвина Кадыровс Нурмагомедов


Дагестанера латархо Нурмагомедов Хьабиб вазвеш, шун хIоттийна Нохчийчоьнан куьйгалхочо Кадыров Рамзана Соьлжа-ГIалахь. "Еаридийнахь веанера иза со волчу хьошалгIа", - яздина мехкан куьйгалхочо шен Телеграм-каналехь. Цо билгалдаьккхина, цуьнца цхьанакхета "Ахмат" клубан тоьлла латархой а кхайкхинера ша аьлла.

"Шахьаран мэро Закриев ИбрехIима Хьабибна "Соьлжа-ГIалин сий долу вахархо" аьллачу цIарца совгIат дар дIакхайкхийра. Сан омраца цуьнан дена, Нурмагомедов Iабдулманапна "Нохчийчоьнан спортан хьакъволу белхахо" аьлла сийлахь цIе елла", - аьлла, билгалдаьккхина Кадыровс.

Ишта Кадыров Ахьмадан цIарахчу фондо совгIатна автомобил а елла UFC-н чемпионна Нурмагомедов Хьабибна.

XS
SM
MD
LG