ТIекхочийла долу линкаш

ЦIеххьана кхаьчна хаам!

"Владимирскан централехь" 20 тутмакхо шайн пхенаш хедийна


Владимир гIаларчу лоьмар 3 йолчу набахте шаьш дехьадахарна дуьхьал бевллачу "Владимирскан централ" олучу набахтерчу 20 тутмакхо шайн пхенаш хедийна. Фейсбукерчу шен агIонехь хаамбина цунах Петарбухарчу адамийн бакъонашкахьа йолчу комитетан куьйгалхочо Пантелеев Бориса.

Бакъонашлаъярхочо дийцарехь, регионехь "къизаллийн колони" аьлла, цIеяхначу набахтехь хан такхийта шаьш дехьадохий хиъначул тIаьхьа, дуьхьалонан протест йина хилла тутмакхаша. Лецначийн гергарчара чIагIдарца, лоьмар 3 йолчу колонехь хан токхурш хьийзабо, етта, бойу. Протестан акци хилла ца Iа иза, шаьш хIун дер ца хууш, бIарзделла хьийзар ду иза яздина Пантелеевс. Владимирскан кIошатрчу омбудсмене а дIахаийтина ша аьлла бакъонашларъярхочо.

"Владимирскан централ" набахтен хьаькамо бакъ дац аьлла, тутмакхаша пхенаш хедор.

XS
SM
MD
LG