ТIекхочийла долу линкаш

ЦIеххьана кхаьчна хаам!

Юучух дIавш даьлла Соьлжа-ГIаларчу дарбан хIусаме кхачийнарг 17 стаг


Соьлжа-ГIаларчу кафечохь кхачанах дIавш даьллачийн терахь кхуьш ду. Керлачу хаамца дахначу кхааридийнахь дуьйнна 17 стаг ву дарбан хIусаме валийнарг, хаамбо ТАСС агенталло, могушаллин министраллан информацех пайда а эцна.

"Соьлжа-ГIаларчу инфекцийн лазарийн центре кхачийна 17 стаг. Шахьаран кафечохь котам йиинчул тIаьхьа, чуьйрашкахь лазарш хааделла хилла царна. ПIераскандийнахь 12 сахьт даьллачу хенахь валийна дарбан цIийне 17-гIа лазархо", - аьлла, билгалдаьккхина министралло.

Ишта цара даредарца, 15 стаг лоьрийн тергонехь вьуссуш ву, царлахь ши бер а ду. Хьалхо балийначех 6 цIахь дарба лело араваьккхина, шиъ гIоле хилла дIавахна. Нохчийчоьнан прокуратурнао талламаш бу дIахьош оцу гIуллакхна гонах. Шеконашкахь хилла кафе дIакъевлина.

XS
SM
MD
LG