Нохчийчоьнан куьйгалхо Кадыров Рамзан хилла пIераскана дийнахь ГIалгIайчуьрчу Сурхахи эвлахь. Цигахь иза цхьаьнакхетта къаночуьнца Нальгиев МухIажирца. И стаг вара Магасерчу митингехь Кадыровна маьттаза лийнарг.
"Нохчийчоь тахана" сайто дийцарехь, и цхьаьнакхетар хилла эвларчу маьждигехь.
Меттигерчу бахархоша социалана маашанашкахь бинчу хаамца, Нохчийчоьнан куьйгалхо веана хилла цу эвла 70 машенахь, амма и терахь оццул дара бохург харц до цхьаболчара.
Оццу дийнахь Кадыров хилла БатIал-Хьаьжин зияртехь, цхьаьнакхетта меттигерчу кегийрхошца.
