ТIекхочийла долу линкаш

ЦIеххьана кхаьчна хаам!

50 процент бахархой ца теша зорбанех


Журналист Соловьев Владимир
Журналист Соловьев Владимир

Оьрсийчоьнан бахархошна информаци дIакхачон коьрта гIирс бу телехьожийла. Хаттамбинчех 69 процент нах хьуьйсу цуьнга. Интернет ю шолгIачу меттигехь. Денна 60 процент бахархой буьйлу цу чу. КхолгIачу декъо радиога ладугIу, ткъа 11 проценто газеташ доьшу. Бахархойн инициативан Комитето а, "Медиастандарт" фондо а, талламан "Циркон" тобано а бинчу талламийн жамIаш ишта ду.

Оцу юкъанна пачхьалкхан телеканалаша яржо информаци бакъ хета 63 процентна.

Интернетехь Iорабохучу хаамех теша 18 % респонденташ. Социалан машанашкахь бакъдерг дуьйцу аьлла хета 15 процент бахархошна.

Телеграм-каналех тешам лаьтта 4 процентан.

Дозанал а арахьарчу телеканалаша а, радиостанцеша а бакъдерг даржадо аьлла 3 проценто.

Iаткъаме хета журналистан професси 53 процент респонденташна, кхолгIачу декъо маьрша говзалла лору и.

Оьрсийчохь уггар а авторитете ву аьлла, билгалваьккхина журналист Соловьев Владимир.

Ишта цIе яьккхина Малахов Андрейн а, Познер Владимиран а.

Интернет-журналисташлахь Дудь Юрийн цIе яьккхина (YouTube-ра "вДудь" канал).

Дика йоза долчех ву "Новая газетан" журналист Быков Дмитрий а, 2006-чу шарахь йийна Политковская Анна а.

Ткъа хаттамехь дакъалаьцначу журналисташа билгалвьккхина Познер Владимир а (20 процент), Парфенов Леонид а (16 %).

Оха хьоьхург

XS
SM
MD
LG