Эр-Риядехь дIаяьхьначу инвесторийн конференцехь СаIуда Iаьрбийчоьно 50 миллиард долларна бартбина мехкадаьттан а, газан а, инфраструктуран а декъашкахь. Reuters агенталло бо и хаам, пачхьалкхан Iедалхойн хаамашна тIе а тевжаш. Оппозицин журналист Хашогги Джамал Истанбулехь вер толлучу юкъанна яьккхина и экономикан кхиаме гIулч.
Оцу юкъанна тидам хилла Паччахьаллин энергетикан министраллехь конференцин декъашхой кIезиг хилар. Хашогги верна эргIадбахначу Iамеркан Цхьанатоьхначу Штатийн, Францин, Нидерландийн финансийн министраша а, Малхбузерчу пхеа яккхийчу банкийн куьйгалхоша а бойкот кхайкхийнера Эр-Рияде бахка. Конференцехь хилира Оьрсийчоь а, Китай а, кхин а цхьа могIа субъекташ а. Яра царлахь францхойн Total концерн а.
Де хьалха дIакхайкхийнера, Хашогги верца доьзна Iамерко цхьа могIа саIудахойн хьаькамашна дуьхьал санкцеш яха тарло аьлла.
Хьалххе барт а бина, хаа а хууш вийна СаIуда Iаьрбийчуьра журналист Хашогги Джамал аьллера Туркойчоьнан президенто ЭрдохIан Реджепа.