Лас-Вегасехь латар дирзинчул тIаьхьа хилла инцидент бахьана долуш UFC-н чемпионан Нурмагомедов Хьабибна а, Ирландин латархочунна Макгрегор Конорна а йина дисквалификаци дIаяхйина Невада штатан Атлетикан комиссино. MMAFighting сайто бина и хаам. Ишта комиссино сацамбина Нурмагомедовна йогIучу 2 миллион доллар гонораран 50 процент цунна юхаяла.
Маршо Радионо яздира, Нурмагомедов Хьабиба Лас-Вегасехь хиллачу UFC латарехь Макгрегор Конор эшорах. ЙоьалгIачу раундехь Нурмагомедовс садукъочу кепехь лаьцнера ирландхо.
Латар дIадирзинчул тIаьхьа йоццучу хенахь тасаелира Магомедовн а, Макгрегоран а тобанаш. Леташ берш дIасабехира сихха юкъалилхинчу хадархоша а, оцу сарахь леташ хиллачу кхечу спортхоша а.
Цхьаболчу хаамаша яздора, Макгрегорх латарна Нурмагомедовна 2 миллион доллар кхочур ду бохуш. Ткъа ирландохочунна лур долчу ахчанан барам 3 миллион доллар хир бу.
Карарчу хенахь Невадан Атлетикан комисси инцидент толлуш ю.
