ТIекхочийла долу линкаш

ЦIеххьана кхаьчна хаам!

Оьрсийчоьнна дуьхьал леррина компани йолийна, боху арахьарчу гIуллакхийн министралло


Оьрсийчоьнан арахьарчу гIуллакхийн министр Лавров Сергей.

Нохчийчохь адамийн бакъонаш талхош ю аьлла бахьана а даьккхина, леррина компани йоло гIерташ ю Оьрсийчоьнна дуьхьал ОСБЕ-на юкъахь йолчу пачхьалкхийн арахьарчу гIуллакхийн министтарш цхьаьнакхетале хьалха аьлла, дIахьедар дина Оьрсийчоьнан арахьарчу гIуллакхийн министралло, хаам бо ТАСС агенталло. Министрийн цхьаьнакхетар хила дезаш ду Италерчу Миланехь ГIура-беттан 6-7-чу деношкахь.

Маршо Радионо хьалхо хаам бина ма хилара, Европехь кхерамазаллехула а, цхьаьна къахьегарехула а йолчу вовшахтохаралло (OSCE) сацам бина адамийн бакъонаш толлу, шех Москох кхоьллина механизм олу кеп бухе а юьллуш, Нохчийчохь бакъонаш талхор талла.

Оьрсийчоьнан министралло билгалдаккхарехь, Москохо дехар дина адамийн бакъонаш талхийна меттигаш йийца шайна аьлла шаьш дехар дича, зорбанан гIирсашкахь араевлла материалаш шайна яийтина хилар.

Дипломатин хьукмато динчу дIахьедарехь аьлла ду, адамийн бакъонаш ларъярца доьзначу хаттаршкахула кхачам бацарш дIадаха аьтто бийр болу къамел дIадахьа Оьрсийчоь кийча хиларх лаьцна.

Комментареш

New Comments Available

Оха хьоьхург

XS
SM
MD
LG