Стохка полисхоша дIахьочу леринчу операцехь вийначу ПIаьнказарчу 19 шо долчу вахархочун да Мачаликашвили Малхаз Руставелин цIарахчу проспекте веана Саралидзе Зазана а, кхиболчу протестхошна а тIехIотта.
"Рустави 2" телеканалан эифрехь Мачаликашвилис дIахьедира, шена телевизионехь гира Саралидзе Заза а, цуьнан нана а дарбан цIийне охьадуьллуш, тIаккха лаам хилира шен митинге ван аьлла.
"Тхайн маршо Iалашйийр ю оха" аьллачу акцин Iалашо ю, митинг вовшахтоьхначара дийцарехь, кIентийн байинчу дайшна гIо лацар. Эфирехь Мачаликашвилис юха а кхайкхамбира Iедалхошка шен а, Саралидзе Зазин а кIентий байинчарна таIзар даре.
Хьалхо акцехь полисхошна а, дуьхьалончашна а юкъахь тасадаларш хиллера. Парламентна хьалха четарш ца тохийтинера полисхоша гулбеллачаьрга. Оцу юкъахь вон хилла Саралидзе Заза а, цуьнан нана а дарбан хIусаме дIабигинера.
ТIаьхьо аьтто белира протестхойн кхо четар хIотто а. Акци дIахьош ю карарчу хенахь а.
