Нохчийчохь адамийн бакъонаш талхорах болу хаамаш талла Европан Кхерамзаллехула а, Юкъарлонашкахула а йолчу Кхеташоно (OSCE) тешийна Австрерчу экспертна. ДIахьочу талламан декъахь хир бац Оьрсийчоьнан векалш, хаамбо "Коммерсанто".
"Москох кхоьллинчу механизмехь" таллам дIабахьа деношкахь сацамбира 16 пачхьалкхо. Нохчийчохь юристаша лохур бу нах байарх, лецарх, хьийзорах лаьцна цигара даьржачу аьрзнийн бух.
"Мохкох кхоьллинчу механизмца" 6-зза таллам дIабаьхьна Европан Кхерамзаллехула а, Юкъарлонашкахула а йолчу Кхеташоно. Царех цхьа таллам айбинарг яра 1999-чу шарахь Оьрсийчоь – Атлантикан альянсо Югославехь дIаяьхьначу тIеман операцин ларш теллира оцу механизмца.
Нохчийчу талламбан дуьненаюкъара тоба хьажор Европан Кхерамзаллехула а, Юкъарлонашкахула а йолчу Кхеташоно "Оьрсийчоьнна дуьхьал гIаттийна кампани чIагIъярхьама, Миланехь тIебогIучу баттахь арахьарчу гIуллакхийн министраш гуллуш хилар юьхьар а оьцуш, "бух боцуш" ен демарш ю, аьлла Кремлан дипломатин хьукмато.
