ТIекхочийла долу линкаш

ЦIеххьана кхаьчна хаам!

Пачхьалкхехь лаьттачу проблемийн жоьпалла Путинна тIехь ду аьлла 61 процент бахархоша


Пачхьалкхехь лаьттачу проблемех жоьпалла Оьрсийчоьнан президентна Путин Владимирна тIаьхь ду аьлла 61 процент бахархоша. Еаридийнахь "Левада-центро" Iорадаьхначу жамIаша гойту и терахь. 22 процент респонденташна хетарехь, "цхьадолчунна" жоьпалле ву Путин. Путинан политика нийса ю, "ледара, коррупцица боьзна хьаькамаш" бахьана долуш гIуьттуш ю и проблемаш аьлла 10 проценто. "Лаамза" нислучу хьелашна бехк биллина 6 %.

Шо хьалха 55 процент хаттамбинчара дIахьединера, доллучух а жоьпалла Путинна тIехь ду аьлла. 21 проценто "юкъ-кара долчунна" бехкевира Путин.

Нагахь тIедогIучу кIирандийнахь президентан харжамаш хилча, цунна кхаж таса кийча ву 56 процент Оьрсийчоьнан вахархо, билгалдоккху социологаша.

2018-чу шарахь хиллачу харжамашкахь 77 процент кхаьжнаш кхечира Путин Владимирна.

Комментареш

New Comments Available

Оха хьоьхург

XS
SM
MD
LG