ТIекхочийла долу линкаш

ЦIеххьана кхаьчна хаам!

Улус-Кертана гергахь тIом бина нохчийн ши тIемало лаьцна Оьрсийчохь


Нохчийн тIемалой, 2000 шо.

Нохчийчохь 2000-чу шарахь Псковерчу десантхошца Улус-Кертана гергахь тIом бина ши стаг лаьцна Оьрсийчоьнан ницкъаллин структураша. Цунах лаьцна хаам бина Федералан кхерамазаллин сервисо (ФСБ).

Цу хаамца а догIуш, цу шиннах цхьаъ ву 43 шо долу Дудиев Нажмудин, ткъа шолгIа ву 41 шо долу Донашев ИбраьхIим. Талламан органаш цу шина стаге бехк кховдо дагахь ю масийтта артиклехула, шайна юкъахь "бандитизм" а, "низамаш лардон органийн белхахой байа гIортар" а долуш.

Официалан версица, Улус-Кертанан гергарчу хьунхахь хиллачу тIамехь нохчийн тIемалоша вийра 84 Оьрсийчоьнан эскархо, кхин 4, чевнаш хиллехь а, дийна висина кIелхьаваьллера.

Комментареш

New Comments Available

Оха хьоьхург

XS
SM
MD
LG