ТIекхочийла долу линкаш

ЦIеххьана кхаьчна хаам!

Нохчашна тховкIело ца яларна Литвана гIуда тоьхна Страсбургерчу кхело


Литван-Беларусин доза.

please wait

No media source currently available

0:00 0:01:59 0:00
Линкана тIе

Францерчу Страсбургерчу Европан адамийн бакъонашкахула кхело Литва бехке йина Нохчийчуьра бедда тховкIело йоьхучу доьзалан бакъонаш йохорна. Цунах лаьцна хаам "Кавказский узело". 2017-чу шарахь бIаьста 7 стагах лаьттачу нохчийн доьзало кхузза дехар дина хилла Литван Iедалшка, шаьш цу махка чудитахьара бохуш. Амма хIораза а церан дехар юхатоьхна цу пачхьалкхан Iедалша.

ЦIарца вуьйцуш воцчу пхеа беран дас дийцина Страсбургерчу кхеле, Нохчийчохь ницкъаллин структурийн белхахоша ша хьийзорах лаьцна. 30 шо долчу цу стага чIагIдарехь, иза дакъалоцуш хилла Нохчийчуьрчу шолагIчу тIамехь. И бахьана долуш цуьнан керта баькхина хилла меттигерчу полицин белхахой. Иза левина уьш дIабаханчул тIаьхьа цуьнан хIусамна тIелатар дина хилла коьртах туьтамIаьжгаш йоьхкина баьхкинчу наха.

Махках вала аьтто шен ца баьлча 2009-чу шарахь иза ша вахана болх бан ницкъаллин структуре. Кхечу эскархошца цхьаьна цо тIом бина селхана шен накъостий хиллачу нохчийн тIемалошца, ткъа иштта ларбина лаккхарчу даржашкахь болу нохчий Iедалхой.

2015-чу шарахь балхара дIаваьла иза. Ткъа 2017-чу шарахь айкханча вина цуьнах, лаьцна чувоьллина ницкъ а бина.

Полшин а, Литван а дозанашкара масийттазза юхаберзийна хилла болу цуьнан доьзал эххаре а бисина Беларусехь. Нохчийчуьрчу полицино гергарчу нахехула тIекхуьйкхуш хилла хIусамда, шайна тIевола бохуш. Ткъа 2017-чу шарахь полицера рогIера кехат деъча Беларусин Iедалша цIахьовcийна уьш. Цул тIаьхьа доьзалан да лаьцна хьийзийна полицехь.

Талламан изоляторера арваьлча иза дIакхетта Полшехь мухIажарийн центрехь болчу шена доьзалх. Цигахь цу доьзало юха а тховкIело ехна Полшин Iедалшка.

Цу нахана кхерам хилар тидаме а эцна, церан дехар къобул ца дарна 22 эзар евро барамехь компенсаци яла декхарелахь йина Литва Страсбургерчу кхело.

Нохчийчоьнах а, нохчех а лаьцна Оьрсийчуьрчу зорбанан гIирсаша дуьйцучух теший шу?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG