Беларусин президенто Лукашенко Александра Минскехь зорбанан гIирсийн векалшна хьалха къамел деш дIахьедар дина, шен аьтто баларца Нохчийчу ваха лууш ву ша аьлла. Цунах лаьцна хаам бо БЕЛТА агенталло.
Нохчийчу ша маца гIур ву ца элира Лукашенкос, амма бакъдира стохка Нохчийчоьнан куьйгалхочо Кадыров Рамзана ша хьошалгIа кхайкхина хилар. Къаьсттина Соьлж-ГIале хьажа лууш ву ша бохуш вара Беларусин президент.
Журналисташна цо дийцира Полше чу ца битинчу нохчийн доьзална ша Беларусехь Iуналла дина хиларх лаьцна.
