Оьрсийчохь экстремистийн материалашна юкъатоьхна нохчийн вевзаш волчу Iилманчо, политикан говзанчо, яздархочо Авторханов Iабдурахьмана язйина "Кремлан Импери" (Империя Кремля. Советский тип колониализма) книга. Цунах лаьцна хаам бина "Сова" центро.
И книга дуьххьара арахецнера Германерчу Гармиш-Партенкирхен гIалахь 1988 шарахь. Советан Пачхьалкхехь (СССР) цунна зорба туьйхира 1990-чу шарахь Вилнюсехь.Ткъа 2001-чу шарахь и болх арахийцира Москох "Дика-М" зорбанан хIусамо.
Экстремистийн материалашна кху беттан 5-чохь юкъатоьхнарш ю Вильнюсехь а, Москох а арахецна книгаш. Кхо шо хьалха 2015-чу шарахь Гезгмашин-беттан 24-чохь цу кепара сацам бинера Москох Мещанан кIоштан кхел.
