ТIекхочийла долу линкаш

ЦIеххьана кхаьчна хаам!

Фейсбукехь пост хIотторна лаьцна латтийна бакъонашларъярхо маьршаваьккхина


Бакъонашларъярхо Пономарев Лев

"За права человека" боламан куьйгалхо Пономарев Лев маьршаваьккхина Москохарчу изоляторчуьра 16 дей, буьйсий чохь даьккхинчул тIаьхьа. Фейсбукехь хIоттийна пост бахьанехь лаьцнера иза.

Журналисташка бакъонашларъярхочо дийцарехь, пIераскан Iуьйранна бертаза полисхойн машена а хаийна, "карахь биъ тIоьрмиг а болуш, некъа юккъехь охьатеснера" иза, яздо "Интерфаксо".

Карарчу беттан 5-чохь 25 денна а, буьйсанна чувоьллинера Пономарев, барамаш дIабахьаран къепе йохорна. Бахьана дара, "Новое величие", "Сети" гIуллакхашна бехкебечарна тIехIуттуш вовшахтоьхна акци. Фейсбукехь хаам а бина, хIоттийнера цо и барам. ТIаьхьо Москохарчу кхело 16 дийне ялийра тоьхна хан.

Бакъонашларъярхойн дехарца, 77 шо долу Пономарев дIалацар таллар тIедожийнера Путин Владимира Инарла прокуратурана, амма билгалдаьккхира, "Iедалшца дага а ца волуш митингаш хIиттайо цо" аьлла.

"Вайна ма ца лаьа Парижехь санна вай долчохь а къепе талхор: некъан экъанаш бухйохуш, массо а хIуманах цIе а туьйсуш, чолхечу хьолан раж хIуттийла", - аьлла, дIахьедира хIетахь Путина.

Бакъонашларъярхочун Алексеева Людмилин тезета ваха бакъо а ца елира кхело Пономаревна.

Коьрта теманаш

Оха хьоьхург

XS
SM
MD
LG