Шемахь дан лерина тIелатар дIатеттина Туркойчоьно

Туркойн эскарш Къилба Шемахь тIелатарх бина сацам дIатеттина аьлла, дIахьедина Туркойчоьнан президенто ЭрдогIан Реджепа.
Цо бахарехь, Iамеркан президентца Трамп Доналдца ишта бартхилла цуьнан. Цхьана ханна тIеман операци дIататтарх, мацца а дIахьур ю иза бохург дац аьлла, билгалдаьккхина туркойн лидеро.

Цо бахарехь, тIелатаран Iалашо ю - цу регионерчу тобано латтон "террорхойн кхерам" дIабаккхар. Кху беттан 12-чохь Туркойчоьнан президенто дIакхайкхира кеста Шемана тIелата дагахь ду шаьш аьлла.

Ткъа дахначу оршотдийнахь "мичча хенахь а" йоло тарло шаьш операци элира ЭрдогIана.