Полшин Iедалша Оьрсийчу цIахьажош ву шайн махкахь политикан тховкIело йоьхуш волу блогер Абдурахманов Тумсо. Иза хиларна саготту ву ша блогер. "Валар гIоле ду, церан къизаллаш ловчул", - аьлла дIахьедар дира цо "Настоящее время" телеканалана интервью луш.
Абдурахмановн хаттарах политика ян оьшуш дац аьлла хеташ ву Нохчийчоьнан къоман политикехула а, арахьарчу уьйрашкахула а, зорбанан а, хаамийн а министр Умаров Джамболат. "Эхо Москвы" радион эфирехь вистхуьлуш цо дIахьедар дира Абдурахмановна Нохчийчу депортаци яхь цхьа а "ницкъ барш а, кхелаш яр а" хир дац аьлла.
"Нагахь Абдурахманов низамна хьалха цIена велахь, цо лелийнарг бахьана долуш цхьа а реза цахилар хир дац", - аьлла Умаровс.
Нохчийчохь бехктакхаман гIуллакх ду Адурахманов Тумсона дуьхьал долийна, ткъа ша блогеро шена дохку бехкаш бух боцуш лору.
