Нах бехачу хIусамехь газ эккхарца доьзна чолхечу хьолан раж кхайкхийна Магнитогорскехь аьлла, оршотдийнахь хаамбина Челябинскан кIоштан губернаторо Дубровский Бориса. Виъ стаг хьалаваьккхина иккхинчу цIийнан херцарш бухара. Карош вац 79 стаг.
"Магнитогорскехь чолхечу хьолан раж кхайкхийна. Губернатор коьртехь а волуш, штаб вовшахтоьхна", - яздина шен Телеграм каналехь губернаторо.
ТIекIелдинчу цIенош чохь газ а иккхина, чуйоьжна дийнна подъезд. Болчу хаамашца, цхьахйолчу петарчохь газ экхаран бахьанашца хилла бохам бу иза.
Орцанхой а, техникан гIирс а тIе а оьзна, белхаш бу цIенна гонах дIахьош.
ТIаьххьарчу хаамашца, велларг виъ стаг ву.
