ТIекхочийла долу линкаш

ЦIеххьана кхаьчна хаам!

Кадыровс паччахье дехар дина, Урдунерчу инарлан Iуналла де аьлла


Урдунерчу паччахьца Iабдулла ШолгIачуьнца зIене ваьллачу Кадыров Рамзана дехар дина цуьнга нохчийн диаспоран векална Башир Мухьаммадна оьшу гIо латтор. Инарлан чинехь лаьттинчу ИсмаьIал аш-Шишани Мухьаммад Баширна йиттина байначу беттан тIаьххьарчу деношкахь, буьйсанна Заркъехь цуьнан хIусам чу а иккхина вевзашвоцчу зуламхочо. Бехке ву аьлла, шеконаш кхоллаелла шолгIачу дийннехь лецира полицино зуламхо.

Маршо Радионо яздира, нохчийн диаспоран декъахочунна, инарлана, Урдунехь мэр а лаьттина, юьртбахаман министраллан урхаллехь хиллачу ИсмаьIал аш-Шишани Мухьаммад Баширна кIелоярна шеконашца Заркъа гIалахь дIалаьцна цхьа стаг аьлла.

Байначу беттан тIаьххьарчу деношкахь тIелатар динера ИсмаьIал аш-Шишанина. Буьйсан юккъехь 74 шо долчу инарлан хIусам чу а иккхина, цунна йиттинера вевзаш воцчу зуламхочо. Дарбан цIийне валийнера къано чолхечу чевнашца.

Байначу беттан 29-чохь хаам хилла, полицино бехке ву аьлла, цхьа стаг дIалацарх. ЦIарца вуьйцуш вац тIелатархо, амма хааме даьккхина хьалха а оццу зуламашна кхеле хIоттийна иза хилар.

Комментареш

New Comments Available

Оха хьоьхург

XS
SM
MD
LG