Кавказ.Реалиино бинчу хаамца, Устрада-ГIалахь велла Шелан юккъехь нехан хIусамаш йохош видео яьккхина Осмаев Абубакар. Иза хилла ГIуран-баттахь.
Болчу хаамца, Осмаевс ца лайна Iедалхоша ша лаьцна латтор а, цигахь шена ницкъ бар а. Иза велла шолгIа инсульт хиллачул тIаьхьа.
Хьалхара инсульт цунна цу стагана хиллера 2017-чу шарахь Iай, интернетехь цо яьккхина видео гучуяьлча лаьцна талламан изоляторехь латтош.
Осмаев чувоьллина латтийнера цхьана баттахь. Нохчийчуьрчу зорбанан гIирсаша кхетийра бахархой, и видео гучуяьллера аьлла Малхбалерчу Нохчийчоьнан мостагIаша аьлларг деш.
"Кавказ.Реалиин" хьастано дийцарехь, Осмаев Абубакаран цIа а, йоккха туька а хилла Устрада-ГIалан юккъехь. Уьш дIахьакхна хилла цу гIалахь маьждиг деш.