"Газпром межрегионгаз Грозный" компанино аппеляцин латкъам бина Нохчийчуьрчу кхело 9 миллиард сом декхар дита ша декхарелахь еш сацам барна.
Дечкен-беттан 16-чохь Нохчийчоьнан прокуратуро хаам бира, кIоштан кхелан сацамца 9 миллиард сом декхар дитина республикехь ягийначу газах аьлла.
ТIаьхьо Оьрсийчоьнан цхьамогIа регионийн депутаташа прокуратуре кехаташ яздина, Нохчийчохь санна шайн бахархошна а газах гулделла декхар дитар доьхуш. Цу тайпа кехаташ яздина низамаш лардечу органашка Чувашехь а, Башкирехь а, Красноярскехь а, Астраханан а, Ростохан а, Курскан а, Свердлован а, Смоленскан а кIошташкахь.
Нохчийчуьрчу министро Умаров Джамболата "Говорит Москва" радиона интервью луш дIахьедар дина, газах декхар кхоьллинарг республикехь бина тIемаш бу, ткъа Нохчийчоьно и ахча дала дезаш дац аьлла.
