Нохчийчуьрчу "Грозный" телевизионан куьйгалхочо Дудаев Ахьмада харцдина шаьш нахе бехк цабиллар дехийта леррина рубрика кхоьллина бохург. Официалан кепара дIахьедар до ша аьлла цо, иза данне а бакъ ца хилар.
Дудаевс чIагIдарехь, нохчийн телерадиокомпанин куьйгаллан "хилла а яц, цкъа а хир а яц цу кепара рубрика кхолла планаш".
Нохчийчоьнан Iедалш кийча ду республикерчу телевизионехь а, газеташкахь а нахе бахархой къинтIера бахийта рубрикаш кхолла аьлла "Говорит Москва" радион эфирехь дIахьедар динарг вара меттигера зарбанан а, хаамийн а министр Умаров Джамболат.
Иза оьшуш ду аьлла хета министрна социалан машанашкахь бахархой "бохо гIертачу хулиганашца къийсам дIабахьа".
