ТIекхочийла долу линкаш

ЦIеххьана кхаьчна хаам!

Кхело лаьцна Федерацин Кхеташонан декъахо Арашуков Рауф


Арашуков Рауф
Арашуков Рауф

Кхарачойн-Чергазийчоьнан цIарах Федерацин Кхеташонан декъахо волу Арашуков Рауф Зазадоккхучу-беттан 30-чу дийне кхаччалц лаьцна вуьтуш, сацамбина Басманан кхело. Къевлинчу неIаршкахь дIаяьхьна кхелахоша шайн кхеташо. Бехк тIелаца бохуш, кхерамаш тийсира Арашуковна кхелахойн кхеташо йолаялале хьалха аьлла, дIахьедина цуьнан адвокато.

Федерацин Кхеташонан декъахо бехкево ши стаг верна а, зуламан тоба вовшахтохарна а, тешашна Iаткъамбарна а. Арашуковс бехкаш тIе ца лоцу. 10 миллион сом закъалтна а диллина, дIасавалар а доьхкуш, иза цIахь витар дехнера адвокаташа. Кхечу пачхьалкхехь хьулвала мега иза, я тешашна тIеIаткъамбан тарло цо аьлла, дуьхьало йина иза дIахеца.

Кхааридийнахь йоьдучу Федерацин Кхеташонера лаьцна дIавигира Арашуков.

Оццу дийнахь Петарбухахь дIалаьцна цуьнан да Арашуков Рауль а. Зуламхойн юкъаралла вовшахтоьхна, даккхий ахчанашца курхаллаш лелорна бехкево иза.

Оха хьоьхург

XS
SM
MD
LG