ТIекхочийла долу линкаш

ЦIеххьана кхаьчна хаам!

Бомбанаш ю ехкина аьлла, иттанашкахь Петарбухарчу школашкара бераш арадаьхна


Минаш ю ехкина бохуш, телефонехула а, электронан адресаш тIе а кхоьхьуьйту анониман хаамаш бахьана долуш, Петарбухахь иттанашкахь гIишлошчуьра арабаьхна нах еаридийнахь. "Фонтанка" гIирсо яздарца, гIаличуьрчу дешаран комитетехь а, ишта масех йохка-эцаран а, бизнес -центрашкарчу нахана а йина эвакуаци. Нах арабохучу заманчохь даьхна суьрташ а, видеош а яржийна социалан машанашкахь.

47.ру сайто хаамбарца, электронан почтехула кхаьчна анониман кехат бахьана долуш, "Кудрово" олучу дешаран Центрера нах а кIелхьарбехира. Ленинградан кIоштан урхалло дийцарехь, уггар йоккхачух доьшийла ю иза. Цигахь доьшуш ду 1600 бер.

Эвакуаци йира нахана дарбан хIусамашкахь а, Всеволожскерчу а, Токсоверчу а бераш дуьненчу дохучу цIийнашкахь а цхьана.

Билгалдаьлла, Болгарехь регистраци йинчу адресаш тIера кхоьхьуьйтуш хилар электронан кехаташ.

Иттех де хьалха дуьйна баьржина Оьрсийчохь юкъарчу а, нах бехачу а хIусамашкахь минаш ехкина боху хаамаш. Юьхьанца Камчаткехь а, Генарчу Малхбалерчу регионашкахь а, цул тIаьхьа Сибрех а, Уралехь даьржира харц хаамаш кхехьийтар.

Цкъачунна цхьанхьа а оьккхуьйтург хааелла яц.

Комментареш

New Comments Available

Оха хьоьхург

XS
SM
MD
LG