ТIекхочийла долу линкаш

ЦIеххьана кхаьчна хаам!

Делимхановс къастийна нохчий ГIирмехь латар


Делимханов Адам.

Оьрсийчоьнан Пачхьалкхан Думан депутато Делимханов Адама кхочушдина Кадыров Рамзана шена тIедиллина декхар. Цо къастийна ГIирмехь Саки гIаларчу "Встреча" ресторанехь нохчий латар.

"Шина нохчочуьнан дов далар бизнесца доьзна а ду, дахаран хьолан чулацам болуш а ду. Карарчу хенахь ши а бизнесхо куьйге ваха кийча ву. Цо аьтто бийр бу дов сихха дIадерзо. Цу Iалашонца Кадыров Рамзанан векал полицица юкъаметтигаш латтош ву", - хаам бина Делимхановс Нохчийчоьнан куьйгалхочуьнга, яздо "Комсомольская правада" газето.

Делимхановс бинчу хаамца, "Встреча" ресторанна хьалха лецначерах дукхахаберш дIахецна полицино, бехк а ца кховдош. Бухабитинчарца болх бу дIабоьдуш, юкъаозийна адвокаташ а, ницкъаллин структурийн белхахой а болуш.

"ХIоьттина хьал гергарчу хенахь дIадерзор ду Оьрсийчоьнан Федерацин низамашца ма доггIу", - боху Делимхановс.

Комментареш

New Comments Available

Оха хьоьхург

XS
SM
MD
LG