ТIекхочийла долу линкаш

ЦIеххьана кхаьчна хаам!

"Аватаран" автор ша ву бохуш, юха а кхеле ваьлла Закриев Руслан


Iамеркан режиссеран Кэмерон Джеймсан "Аватар" кинон авторшлахь ша хилар тIечIагIдай, шена догIу компенсаци охьадиллийта аьлла, Заводской кIоштан кхеле латкъамбина ша аьлла, дIахьедина нохчийн яздархочо Закриев Руслана.

2015-чу шарера схьа дуьйнна Iамеркан филман сценари ша язйина бохуш, дIахьедо Закриевс. Масийттазза ша вехачу Ставрополан кIоштан кхеле а дира цо аьрзнаш, амма Кэмерон Iамеркан Цхьанатоьхначу Штаташкахь вехаш хиларна, гIуллакх доло дуьхьало йира цунна.

"Новости" агенталлаца шен хиллачу къамелехь нохчийн яздархочо чIагIдо, 2002-чу шарахь Проза.ру сайтехь зорбане яьккхинера ша шен "Къайлах герз" фантастикан роман, цу юккъера дийнна блоках Кэмерона пайдаэцна шен кино чохь бохуш. Кэмеронан филм гайта йолийра 2009-чу шарахь.

"Кэмеронан гIоьнчера Клэнси Томера кхо кехат деана соьга, цара а тIечIагIдо сюжет цхьатерра хилар, амма шайн идейш ас лачкъийна бохуш, чIагIонаш йо цара. Кино араялале хьалха ас зорбане яьккхина ма ю сайн роман. ХIинца кхелехь со бакъхилар къуьйсу ас, сох къу ма вина цара", - аьлла агенталле Закриевс.

Комментареш

New Comments Available

Оха хьоьхург

XS
SM
MD
LG