Шемахь лаьцна "Исламан пачхьакхан" видеороликаш ингалсан матте йохуш уьш кечйеш хилла Канадин махкахо, хаам бо The New York Times газето. Цо яздарехь, иза ву 35 шо долу Халифа Мохьаммад. И стаг лаьцна хилла коалицин эскархоша Дечкен-баттахь.
Халифа вина СаIудийн Iаьрбийн Пачхьалкхехь. Жима волуш дуьйна дас-нанас дIавигина хилла иза Канадерчу Торонто. Жимачу стага дешна компьютеран технологеш Iамош.
2013-чу шарахь Шемахь иза дIакхетта "Исламан пачхьалкх" тобанерчу тIемалойх. Дуьххьара Халифа гочдархо хилла, ткъа тIаьхьо иза ингалс маттахь дийца волавелла тIемалоша йохучу видеороликашкахь хуьлург.
ТIаьхаьрчу масех баттахь, и болх а битина, тIом беш хилла Халифа. Иза коалацин эскархошна каравахна тIематасадаларехь чов хиллачул тIаьхьа.
"Исламан пачхьалкх" тобанехь ша болх барна дохко ца ваьлла ша, аьлла Халифас.