ТIекхочийла долу линкаш

ЦIеххьана кхаьчна хаам!

Алжирехь эзарнаш адамаш дуьхьалдевлла президентана Бутефликана


Бутефлика IабдулIаьзиз (аьрру агIор йистехь верг) Меркел Ангелица цхьанакхеттачу хенахь, 17Гезг2018
Бутефлика IабдулIаьзиз (аьрру агIор йистехь верг) Меркел Ангелица цхьанакхеттачу хенахь, 17Гезг2018

Иттаннаш эзарнаш демонстранташ арабевллера Алжиран урамашка Зазадоккху-беттан 2-чохь, 82 шо долчу президенте Бутефлика IабдулIаьзизе юха а президент хIотта ма гIерта аьлла. Президентан харжамаш хир бу Алжирехь тIебогIучу Оханан-беттан 18-чу дийнахь. Полицица хиллачу тасадаларшкахь лазийна 180 гергга стаг.

Шотдийнахь хилларш уггар шуьйра дуьхьалонан акцеш ю 2011-чу шарахь Iаьрбийн бIаьсте хиллачул тIаьхьа. Адам арадаьлла махкахь Iедалехь йолчу "Къам маьршадаккхаран фронт" партино Бутефлика юха а президентан харжамашкахь дакъалаца хьалхатеттинчул тIаьхьа.

И стаг Алжирна куьйгалла деш ву 1999-чу шарахь дуьйна. 2013-чу шарахь цунна вен дагахь тIелатардинчул тIаьхьа заьIапхочуьнан варданахь дIасалелаш ву иза, наггахь а бен нах гулбеллачу меттехь гуча а ца волуш.

Швейцарерчу зорбанан гIирсаш хаам бина, Бутефлика Женеверчу университетан клиникехь ву аьлла.



Оха хьоьхург

XS
SM
MD
LG