ТIекхочийла долу линкаш

ЦIеххьана кхаьчна хаам!

"Эхо Москвы" радиостанци Лакхарчу кхеле яьлла


"Эхо Москвы" радиостанцин коьртачу редакторо Венедиктов Алексейс латкъамбина Оьрсийчоьрчу Лакхарчу кхеле, Роскомнадзоро шайна тоьхначу гIуданна дуьхьал.

"Президентан харжамашкахь кандидат хилла Собчак Ксения Нохчийчу яхарх а, цигахь иза сийсазъярх а лаьцначу материалан гиперссылка хIотторна, Роскомнадзоро гIуда тоьхнера радиостанцина. И къовсуш Лакхарчу кхеле арз дина ас", - яздина Венедиктовс шинаридийнахь шен Telegram-каналехь. Цо доьху Лакхарчу кхеле, "гиперссылка" бохучух кхелахой кхетор.

Дахначу шеран Охан-баттахь Роскомнадзоро протокл хIоттийнера, "Эхо Москвы" радиостанцино а, цуьнан редакторо Рувинский Виталийс а низамаш дохийна хиларх, ткъа материалаш кхи дIа листа кхеле дIакхачийнера. ГIуда тохаран бахьана дара, Собчак Ксенияс радиостанцин блогехь дитина йоза.

Ша Соьлжа-ГIала яхарх дуьйцучу цо, пайдаэцнера шен YouTube-канале хIоттийначу "Соьлжа-ГIалара цхьааллин пикет, даьсса урамаш, сий дайар. Собчак Нохчийчохь" роликах. Роскомнадзорна хетарехь, оцу роликца бакъо йоцу информаци яржийна хиллера, зорбанийн низамаша йихкина йолу маьттаза лексика а ялош.

Комментареш

New Comments Available

Оха хьоьхург

XS
SM
MD
LG