ТIекхочийла долу линкаш

ЦIеххьана кхаьчна хаам!

Сталинна неIалт кхайкхийна жигархой дIалецна Москвахь полисхоша


"Декоммунизаци" аьллачу юкъаралхойн проектан ши жигархо дIалаьцна шинарийдийнахь Кремлна гергахь, Сталинан коша тIе зезагаш дохкуш, акци дIахьочу заманчохь. "ОВД-Инфо" хьостане дийцина дIалецначара, ткъа цхьахверг дIалоцучу хенахь "Дождь" телеканало яьккхина видео а ю. Цу тIехь гуш ду, жигархочо Сучков Евгенийс Сталинан хIолламна тIе кагдина зезаг а кхусуш, мохь тухуш: "Жоьжахатехь вага, халкъан чалтач, зударий а, бераш а дайинарг!" аьлла. Ишта шолгIа дIалаьцначу Савченко Ольгас дийцарехь, цо а ластийна хилла хIолламна тIе кагдина гводика.

Карара паспорташ дIа а даьхна, Москварчу полисхойн декъе дIабигина уьш.

  • 1953-чу шарахь Зазадоккхучу-беттан 5-чохь велла Сталин Иосиф. Коммунисташа а, КПРФ парламентан партино а хIора шарахь вовшахтухуш ю "Сталинна ши гвоздика" цIарца акци. "Дождь" телеканалан корреспонденто дийцарехь, масех бIе стаг гулвеллера хIолламна гонах шинаридийнахь.
  • ·30 шарахь гергга архиван документаш гулдечу "Мемориалан" зерашца, Сталинан репрессеш бахьана долуш 12, 5 миллион вахархочунна зен хилла Советан заманахь.
  • Лурчаха "Левада-центро" хаттам дIабаьхьира бахархошлахь, Сталинан репрессешка церан болу хьажам толлуш. 39 процент респонденташа дIахьедира, зуламаш дара Сталина лелийнарш аьлла. 4-чу декъо "политикехь хьашт хилла хIуманаш" дара уьш аьлла. Сталинан заманахь лелийна зуламаш нийса дара аьлла, баьчча бехказаваьккхина 36 проценто.

Комментареш

New Comments Available

Оха хьоьхург

XS
SM
MD
LG