ТIекхочийла долу линкаш

ЦIеххьана кхаьчна хаам!

Бана Гайтукаева. Теша со...


please wait

No media source currently available

0:00 0:00:43 0:00
Линкана тIе

Бана Гайтукаева
Теша со...

Теша со, хьо кхочур ву,
Сайн логехь совцийна бIаьрхиш,
Ас хьоьга дIахьовсур ду
Къастаро делхийна бIаьргаш...
Теша со, хьо кхочур ву,
Ирсо вайн къагор ду дегнаш,
Ас хьоьга туьдуьйтур ду
Сайн безам хьагбина гIенаш...
Теша со, хьо кхочур ву,
Дитина мел долу дезарш,
Ас хьуна дIайоьшур ю
Хьан цIарца кхоьллина байташ...
Теша со, со хьоьжуш ю,
Дицдина мел долу вонаш,
Хьан белшаш тIе дохкур ду
Хьо воцуш шелделла куьйгаш.....

Гайтукаева Бана нохчийн гояьлла байтанча яра. Иза дуьнен чу яьллера 1959-чу шеран чиллан-беттан 23-чудийнахь ТIехьа-Мартан кIоштан ВаларгтIе юьртахь. 1966-чу шеран гезгмашин-беттан 1-чу дийнахь иза ВаларгтIерчу №1 йолчу юккъерчу ишколе деша. 1986-чу шарахь ишкол а яьккхина, юьртан библиотеке балха хIоьттира. 1986-1991 дийшира Нохч-ГIалгIайн пачхьалкхан университетехь. Оццу 1991-чу шарахь яздархойн Бертан декъашхо хилира Бана. 1994-чу шеран заздоккхучу-беттан 18-чу дийнахь Соьлж-ГIалахь дIаелира Бана.

XS
SM
MD
LG