ТIекхочийла долу линкаш

ЦIеххьана кхаьчна хаам!

"Iедал ца ларарх" низамах хIинцале бохам баьлларш


"Putin - pidor" ("Putin - fagot") graffiti on the columns of Yaroslavl region police main office)

ФСБ-ра шозза телефон тоьхна хилла редакторе "Путин *****" тIехь долу сурт дIадаккхар доьхуш.

please wait

No media source currently available

0:00 0:03:04 0:00
Линкана тIе

Оьрсийчуьрчу цхьамогIа зорбанан гIирсаша шайн сайташна тIера дIаяьхна мила ву ца хуучу стага Оьрсийчоьнан чохьарачу гIуллакхийн министраллан Яраславан кIоштан урхаллан гIишлонна тIехь динчу йозанах лаьцна материалаш.

ХIора колонни тIехь диллина цхьа элп хилла, цхьаьна цара хIоттийна хилла ши дош "Путин *****", яздо Маршо Радион Оьрсийн сервисо.

Цу йозанан сурт шен Фейсбукерчу агIона тIехь арахецнера меттигерчу вахархочо. Цул тIаьхьа цу хьокъехь хаам бира маситта Ярославерчу зорбанан гIирсо. Дукха хан ялале церан редакторшка телефон етта буьйлабелира Роскомнадзоран а, ФСБ-н а белхахой, и сурташ дIадаха бохуш.

Шинарин сарахь Роскомнадзоран зорбан секретаро Ампелонский Вадима дийцира, хаам дIабаккха аьлла шаьш телефон тохар бахьана "пачхьалкхан символш сийсаз ярх лаьцна низам дохор сацор Iалашонца йина профилактика" яра аьлла.

Iедалхой сийсазбеш, царах цавешаш, Оьрсийчоьнан пачхьалкхан символш а, Конституци а, Iедалан органаш а ларам боцуш, томехь йоцчу кепехь хьехийначарна таIзар дарх лаьцна низам Оьрсийчоьнан парламентан шина а чоьно тIеэцначул таьхьа, куьг а таIийна, тIечIагIдира президенто Путин Владимира Зазадоккху-баттахь.

И низам болх бан доладеллла кху, Оханан-беттан,1-чу дийнахь. Хье а ца луш, иза зен буьйлабелла Оьрсийчуьра бахархой.

Оьрсийчоьнан чоьхьарчу гIуллакхийн министраллан Яраславан кIоштан урхаллан гIишлонна тIе яздина "Путин *****" а долуш, сурт Фейсбукехь дIахIоттийра Ярославлерчу вахархочо Попутников Кирилла Зазадоккху-беттан 31-чохь, низам болх бан доладала цхьа де диссинчхенахь.

И бахьана долуш шолгIачу дийнахь иза леван полици кхайкхийра. Делахь а сурт цу стага хIинца а дIа ца даьккхина шен агIона тIера. Полисхоша шега иза де аьлла дехар ца дира, боху Попутниковс.

Кхечу кепара лелла цхьаболу Ярославлера зорбанан гIирсаш, шайна юкъахь "Эхо Москвы в Ярославле" радио а, "Ярославский регион" газета а, "ProГород" портал а йолуш. Цара шайн сайташна тIера дIадаьккхина шаьш арахецна сурт. Амма иза дан реза ца хилла ши сайт: "Яркуб" а, "76.ru" а.

"76.ru" сайтан редакторо Прохорова Ольгас дийцарехь, Зазадоккху-беттан 31-чу дийнахь и хаам сайта тIера дIабаккхар доьхуш Роскомнадзорера тоьхна ца Iаш, цуьнга телефон тоьхна Федералан кхерамазаллан сервисера (ФСБ).

Прохоровас дийцарехь, ФСБ-ра шозза телефон тоьхна цуьнга. Сурт дIадаккхахьара аьлла, дехар дира шега, кхин тIедожош аьлла хIумма а дацара, боху редакторо.

Цу хеннахь шинарин дийнахь хаамаш баьржира Iедал ца ларарх лаьцначу низаман дуьхьал акци йолийна Магаданерчу бевзаш боцучу суртдиллархоша аьлла. Цара гIалахь цхьацца граффитеш а, сурташ а даржийна. Иштта цхьана сурта тIехь виллина жима стаг ву дIайихкина бага а йолуш, "Тхан дешан маьршо ю" кIел яздина а долуш.

Комментареш

New Comments Available

Пайхамарна ехкина карикатураш гайтарна Францехь хьехархо вер муха туьду аш?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG