ТIекхочийла долу линкаш

ЦIеххьана кхаьчна хаам!

Дагестанерчу эвлашкахь болх бан реза хилла иттанашкахь тоьлла лоьраш


ТIаьххьарчу шарахь Оьрсийчоьнан федералан медицинан центрашкара Дагестане болхбан дIабахна 50 гергга лаккхара корматалаш йолу лоьраш, хаамбо "Южный Федеральный" портало. Москвара, Санкт-Петербургера, Астраханера, кхийолчу а оьрсийн гIаланашкара Дагестанехь гулбелла ортопедаш, нейрохирургаш, онкологаш,травматологаш, кардиохирургаш, ишта кхи болу говзанчаш а.

Ярташкарчу дарбан хIусамашка медицинан белхахой хьийсош "Земский доктор" аьлла программа ю Дагестанехь болх беш.

Кху шарахь могушаллин министралло цига хьажо билгалваьккхина 224 лор. Программица а догIуш, хIора лоьрана миллион сом кхачор ду гIоьнна. Цул совнах, "Земский фельдшер" программи юкъа вахначу итт лоьрана 500 эзар соьмаш кхачор ду.

XS
SM
MD
LG