ТIекхочийла долу линкаш

ЦIеххьана кхаьчна хаам!

Шемахь исламхоша динчу тIелатаршкахь 50 гергга салтий вийна


Шеман эскархой а, церан агIончаш а байина исламхоша динчу тIелатаршкахь аьлла, хааме даьккхина дахначу шоьтадийнахь бакъонашларъяран тергамчийн тобано. ТIелеттачаьрца хилла "Исламан пачхьалкх" шех олучу тобанхойн декъашхой а, царна муьтIахь болу гIаттамхой а.

Алеппон малхбалехь кху беттан 20-чохь 21 салтий вийна аьлла, билгалдоккху Шеман адамийн бакъонаш Iалашъярна тIехь мониторинг латточу Центро.

Стохка гурахь Алеппон гергахь тIемаш совцош барт бинера, делахь а кест-кеста барт бохабой, жигара доху цигахь тIемаш.

Хомсан провинцехь кху беттан 18-чохь исламхоша пачхьалкхан эскарна кIело йича вийра 27 тIемало, шайлахь 4 эпсар а волуш.

Кху шеран Зазадоккху-баттахь Шеман малхбалехь эшийра дайишхой, церан карара яьккхира Дейр-эз-Зор провинцин кIошташ.
Делахь а радикалан исламхой саццаза дуьхьало латтош бу пачхьалкхан армина а, царех шайн лаамехь дIакхеттачу дакъошна а.

Комментареш

New Comments Available

Оха хьоьхург

XS
SM
MD
LG