ТIекхочийла долу линкаш

ЦIеххьана кхаьчна хаам!

ПIаьнгазахь полицица тасадаларш хилла нохчийн


Дуиси эвла
Дуиси эвла

Гуьржийчуьрчу ПIаьнгазан чIожахь ток йоккху станцеш яхкар сацо гIертачу меттигерчу бахархойн полисхошца кIирандийнахь хиллачу тасадаларшкахь лазийна 20 сов стаг. Керла гидроэлекторостанцеш (ГЭС) яхкаро цигарчу экологина а, юьртабахамна а, туризм кхиарна а зен дийр ду бохуш, ПIаьнгазара нохчий дуьхьал бара гIишлошъяран болх болабайта. Iедалхоша дIахьединера, белхаш боло инвестор хIоьттинчу компанин карахь бакъо ю аьлла.

Нохчийн Дуиси эвларчу бахархоша станцеш яхка билгалъяьккхинчу меттигна блок тоьхнера. Полицина а, протестхошна а юкъахь тасадаларш хиллера, бахархоша тIулгаш, чхьонкарш, йогучу кочаллех дуьзна шишанаш тIелестадора, ткъа чоьхьарчу гIуллакхийн министралло резинан хIоьънаш а, бIаьргаш Iовжон газ а хецнера дуьхьал.

Чоьхьарчу гIуллакхийн министр Гахария Георгий кхаьчначул тIаьхьа ситуаци жимма лахъелира. Журналисташка дIахьедора цхьаболчу бахархоша, нохчийн ярташ хи доцуш юьтур ю ток йоккхучу станцеша, цундела ГЭС ца юьллуьйтуш, шаьш дала реза ду бохуш.

Оха хьоьхург

XS
SM
MD
LG