ТIекхочийла долу линкаш

ЦIеххьана кхаьчна хаам!

Зеленский декъалвина Кадыровс


Кадыров Рамзан.

Нохчийчоьнан куьйгалхочо Кадыров Рамзана декъалвина Зеленский Владимир, Украинин президентан харжамашкахь толам баккхарца.

"Зеленский Владимиран аьтто хуьлийла лаьа Украина денъярна а, Украинин а, Оьрсийчоьнан а халкъаш цхьаьнакхетарна а тIехьажийначу дикачу гIуллакхашкахула", - яздина цо шен Telegram-каналехь.

ДIадаханчу кIиранан дийнахь, Оханан-беттан 21-хь, шолгIа мур хилла Украинин президентан харжамашкахь. Экзит-полаша гайтарехь, Зеленский тоьлла. Цо толам баккхарна къера хилла цуьнан дуьхьалонча карарчу хенахь Украинин президент волу Порошенко Петро.

Зеленский толам баккхарца декъалвина Iамеркан президенто Трамп Доналда а, Канадин премьер-министро Трюдо Джастина а.

XS
SM
MD
LG