Православин динехь болу керстанаш даздеш бу шайн коьрта дезаде – Пасха. Нохчийн республикехь йолчу ерриг а килсашкахь мозгIарша шайн динан Iадаташца дIабаьхьира шайн болх.
Пасха даздеш православин керстанийн Iедал ду шайн беллачийн кешнашна тIехIуьттуш.
"Нохчийн Республикехь дукха хенахь дуьйна бертахь бехаш бу тайп-тайпанчу къаьмнийн а, динийн а векалш. Православин дин лелочу нахана оьшуш долу дерриг а хьелаш кхоьллина токхе дахар хилийта а, маьрша дин лело а", - дIахьедар дина православин керстанаш Пасхаца декъалбинчу Нохчийчоьнан куьйгалхочо Кадыров Рамзана.
Пасха символ ю жаӀарах дӀатоьхначул тIаьхьа кхоалгIачу дийнахь Iийса пайхамар денваларан. Православин керстанаша иза лору къа а, Iожалла а эшор санна.
