ТIекхочийла долу линкаш

ЦIеххьана кхаьчна хаам!

ГIалгIайн Москварчу диаспоран векал дIалаьцна БуьритIерчу аэропортехь


Стохка Магасехь митингехь дакъалаьцна аьлла, БуьритIерчу аэропортехь лаьцначу гIалгIайн рогIерчу жигархочунна Хучиев Давудна 20 эзар сом гIуда тоьхна. "Медиазонас" бина и хаам, лаьцначун вешин Хучиев Микаилан хаамна тIе а тевжина. Вашас дийцарехь, дахначу шоьтадийнахь Москва воьдучу хенахь БуьритIерчу аэропортехь сацийна хилла Давуд. Наьсарерчу полисхойн декъе а валийна, административан протокол хIоттийна хиллера цуьнан хьокъехь.

Iедалшца бертаза хIоттийначу митингехь дакъалацар ду цунна бехкедуьллург. Кхелахойн сацамца а догIуш, стохка аьхка ГIалгIайчоьнан куьйгалхочун харжамаш хилийтар тIедожош акци дIахьочу дийнахь, Хучиевс Магасехь шен лаамехь барам дIабаьхьна хиллера, "политикан тIедахкарш хьалха а даьхна.

Хучиевс бехк тIе ца лоцу. Буьйцу барам Магасехь цу дийнахь хилла бац боху цо. Кхел йирзича маьршавитинера иза.

Оха хьоьхург

XS
SM
MD
LG