ТIекхочийла долу линкаш

ЦIеххьана кхаьчна хаам!

Last.fm сервсисан сайтехь Муцураевн илли хиларна дIакъевлина агIо


Нохчийн бард Муцураев Тимур

Музыкалан Last.fm сервсисан сайтна доза тоьхна Роскомнадзоро. "Антизапрет.инфо" мониторинган порталан хаамца, байначу беттан 17-чохь дуьйна къевлина ю церан нохчийн бардан Муцураев Тимуран "Рай под тенью сабель" илли тIехь долу агIо. 2015-чу шарахь дуьйна кхело экстремистийн лерина ду билгалдаьккхина илли.

Нохчийн гоьваьлла бард ву Муцураев Тимур. Цуьнан дукхахдолу иллеш динах а, Нохчийчохь хиллачу тIамех лаьцна а ду.

Экстремистийн материалаш леринчу реестрехь ду цуьнан "Держись, Россия, мы идем", "Оппозиционер", "Иерусалим", "Вставай, Чечня, пора в поход" а, "Звучит Коран, ему внимают нахи" цIераш йолу иллеш а.

"ВКонтактерчу" аккаунташкахь бардан иллеш зорбане дахарна масийттазза гIуданаш диттира Оьрсийчоьнан кеп-кепарчу гIаланашкарчу кегийрхошна.

"Медузас" яздира, "Муцураевн нохчийн тIемалоша а, оьрсийн салтиша а ладоьгIна иллеш Нохчийчохь хиллачу тIеман уггар а коьртачех културан феномен хилла диссина" аьлла.

Комментареш

New Comments Available

Оха хьоьхург

XS
SM
MD
LG